張寶兒爆袁氹氹「超班」發育　多得哥哥另類特訓

張寶兒去年為老公袁偉豪誕下第二胎「袁氹氹」。

袁氹氹屬「中碼」健碩，發育狀態追貼4個月大BB。

「上磅」前已排清便便，叻仔。

張寶兒爆料袁氹氹「早熟」係因為哥哥成日喺佢身邊大聲咆哮。

張寶兒未幫BB改英文名。

肚餓都冇吵鬧，乖！

藝人張寶兒與老公袁偉豪去年底順利迎來第二胎「袁氹氹」，升級成幸福一家四口。張寶兒近日喺社交平台分享帶袁氹氹去醫院進行首次兒科保健Vlog，片中張寶兒透露醫生對袁氹氹發育進度極為滿意，不僅體形屬「中碼」健碩，眼神亦非常有神且「定性」，發育狀態更係被形容媲美4個月大BB！

袁氹氹如此「超班」表現，原來係多得哥哥「袁咕碌」，張寶兒笑言可能因為哥哥每日都喺弟弟身邊「大聲咆哮」，係多得「另類特訓」先令到袁氹氹如此「早熟」。張寶兒又分享體檢細節，指袁氹氹非常配合地於「上磅」前排清大解，務求得出最精準磅數，相當乖巧。

張寶兒激讚袁氹氹全程表現冷靜，即使肚餓坐車亦冇吵鬧，更預告袁氹氹可能很快就可以同袁咕碌「兄弟檔」夾Band。不過，張寶兒就自爆原來佢同袁偉豪至今仍未為袁氹氹定下英文名。

娛樂