任達華快閃油麻地　再飛內地同楊冪鬥戲

影帝任達華近日風塵僕僕，除忙於折返內地參與主演新片《用武之地》宣傳外，日前他低調進組，會合楊冪等人趕拍懸疑新劇《末路狂花》，而元旦當天更返港不足24小時，現身油麻地出席戶外活動，吸引大批粉絲及途人圍觀，逼爆現場。活動相關視頻流出，只見一身牛仔裝打扮的他，現身後貫徹親民作風，不停向兩旁打招呼兼任影唔嬲。

任達華受訪坦言對油麻地有情意結﹕「電影業最興旺時，我哋成日喺嗰度外景，留低好多美好嘅回憶，好似廟街好多好好嘢食，我哋拍戲之餘都會『搵食』㗎。依家旅遊業復甦，希望吸引多啲旅客去嗰度感受吓大笪地平民嘅氣氛，呢個都係香港特色之一。」

目前他已「歸隊」身在海南島拍攝《末》劇。談到首次與楊冪鬥戲，任達華坦言﹕「暫時未拍到我哋嘅對手戲，不過啱啱開鏡時我哋已獲安排見面，覺得呢個女仔好精靈同超級聰明，嚟緊我哋同場戲份好多。」他又透露今次團隊獲安排入住海邊酒店，每天起床風景如畫﹕「我仲食咗唔少海鮮，同埋當地特產嘅椰子。海南島依家天氣好好，空氣又好新鮮，我當正自己去度假一樣，哈哈﹗」而劇組拍攝相當保密，依然被粉絲發現行蹤，近日網絡流傳楊冪於海邊開工的視頻。由於粉絲只能遠距離拍攝，畫面有點模糊，但楊冪的仙氣造型十分搶鏡，引起熱議。

東網網站 : https://on.cc/東網Facebook專頁 : https://www.facebook.com/onccnews/