張學友深情剖白　親揭1原因才會告別樂壇

「歌神」張學友在2025年的除夕夜假紅館舉行第310場《張學友60+巡迴演唱會》，開騷前一如以住先跟聚集在後台場外的歌迷握手及鞠躬，相當寵粉。而在309場時，學友再妙語如珠跟台下的歌迷談及退休問題，表示只有「一個殘酷原因」才可令他真正告別樂壇。

64歲的學友話不敢稱呼台下的女觀眾為「姐姐」，因為：「我年紀都唔係細，叫（觀眾）妹妹啦，好多朋友問我60幾仲唔退休？我就答我點解要退休，我又唔係做政府工，係咪先？政府工就規定65歲退休，我唔使被規定退休。」又覺得退休後都是追求自己最嚮往的生活，既然唱歌就是他最開心的事，所以他絕不會退休。

學友認為做演藝工作，唯一可令藝人退休只得一個：「當大家都唔需要我時，就係被退休，我係好冇安全感，不過我就算唔可以企喺台上，我喺屋企都會照唱，因為個人會舒服啲，係咪先？我係會繼續做我最開心嘅事，相信我係愈做愈好，無論幾多歲都好。」說畢即擘一字馬，起身後跟觀眾說下次可以把腳放在頭頂上，並許下會繼續保持身體健康，到70歲再上台表演的承諾，全場拍爛手掌和應。

而早前現身捧場，又被指是學友「異父異母親兄弟」的張家輝，有唱歌片在網上流出，惹網民猜測他拍MV再戰樂壇，不過亦有網友猜他只是拍廣告，未必一定推出新歌。

東網網站 : https://on.cc/東網Facebook專頁 : https://www.facebook.com/onccnews/