193甜蜜新歌《你的名字 我的聖詩》 為大家送上溫暖
（依篇文寫於大火前，喺悲痛時刻，相信大家需要一點抽離嘅空間，我諗聽依首歌都係一個唔錯嘅選擇🫂）
近排天氣轉涼，193隨即帶嚟一首甜蜜窩心嘅《你的名字 我的聖詩》，為大家送上溫暖。
「尖東燈飾不夠氣氛 別擔心 我為你織了長頸巾 零三時分 捱夜未瞓 沿岸走走 快樂天使靠近」
前奏響起，音樂馬上帶大家進入一段佳節下嘅邂逅故事。雖然鬧市燈飾無以往璀璨，尖東亦無以往熱鬧，但只要同心上人渡過，就能自創快樂氣氛。
天氣冷，我會給你一個暖暖嘅擁抱，時間晚，我會陪你通宵達旦。忘掉外界所有紛擾，專心與你遙望星空，好好渡過只有兩人嘅時刻。
「讓我的 和你的宇宙 從那天邂逅 瞬間結合 永恆十指緊扣」
從遇見一剎已經鍾情，你無需改變，我亦會喜歡你嘅所有。不求新鮮，只求有你一直陪伴，我會替你遮風擋雨，高低起跌都會守護在旁。只要有你，唔需要榮華富貴，簡單平淡就足夠。
讓我打破現代速食嘅文化，與你談一場傳統認真嘅戀愛。
「時間剩下多久 八十年仍然不夠若果很快末世這地球 最終一起就夠」
無論世界點變，依然唔會影響我地嘅感情，老派點嘅浪漫其實都唔錯。我地就係命中註定嘅一對，白頭到老，永遠不變。我承諾未來會挽著你手，走到盡頭，寫一首專屬我地嘅聖詩。
「小鹿花車通處飛 半空中歌頌你 人生高低 一世在我隔籬」
《你的名字 我的聖詩》 旋律簡單輕快，仲搵嚟少爺占填詞，歌詞貼地又帶點鬼馬，仲營造到幸福氣氛，同193嘅演繹非常夾。每年踏入初冬，難免會有啲emo，依首作品正正令人心頭一暖。
「臨走總想回頭 變愛腦不自救 人生抱著你 不會放手」
我都好一段時間無寫193，由《睡到三點》到《你的名字 我的聖詩》，幾年間佢唱歌上嘅進步顯而易見，處理到唔同類型嘅作品，已經唔係造星時期嘅唱歌黑洞，仲保留到幽默中帶點認真嘅特色，當中我特別喜歡《以為只是沒送花》。希望33嚟緊有多啲機會出歌！
「命中一對 合拍的好友 到身軀亦都生鏽 兩鬢斑白的佳偶」
臨近聖誕，祝福大家喺寒風中搵到伴你左右嘅另一半，快樂溫暖地渡過寒冬❄️
《你的名字 我的聖詩》193 郭嘉駿
曲：Delta T
詞：Jim Yan
編：SeaTravel
監：陳考威
「和你的宇宙 從那天邂逅
瞬間結合 永恆十指緊扣
臨走總想回頭 變愛腦不自救
人生抱著你 不會放手
聖詩也有天變舊 詞彙都變舊
我將會以你名字寫一首
崇拜愛你所有 這份情懷從不朽
命中一對 合拍的好友
到身軀亦都生鏽
兩鬢斑白的佳偶」
▼Follow hkpopculturelover
Instagram: https://www.instagram.com/hkpopculturelover/