周柏豪Chok爆被偶遇　一部位令99.99%男士羨慕

歌手周柏豪自出道以來，都係以型男見稱，由長髮到經典All back「比比鳥」頭，都令人眼前一亮，更曾造成全港男士跟風潮流。近日有網民於深圳野生捕獲周柏豪，冇Filter真實顏值引起網上熱議。相中周柏豪身處郵輪，並專注低頭睇電話，又身穿紅噹噹外衣，配上其招牌「All Back」髮型，確係令女士們心動，唔少網民都驚嘆高呼：「柏豪真帥啊，這真的41了嗎？」大讚周柏豪零濾鏡下嘅真實顏值，擁緊緻零毛孔皮膚，驚人髮量更係令多少中佬羨慕又妒忌，網民紛紛留言大讚：「40年保持髮量王者」、「別的不說，40歲還有這個髮量就很羨慕」、「說他27、28我都信」、「線下見過 少年感十足的大男孩」，更有粉絲直言周柏豪係「港男代表」。

東網網站 : https://on.cc/東網Facebook專頁 : https://www.facebook.com/onccnews/