黃又南轉揸巴士唔滿足　又考多個旅遊巴牌

前男團Shine成員黃又南人到中年，近年少有現身幕前，為另謀生計，經營影片頻道，早前更去考巴士、的士及小巴牌，一於令自己周身刀。轉揸巴士後更成為網民熱話。他近日又再於社交網分享自己成就解鎖，又考多一個牌，他寫道：「上次同大家分享咗我學揸巴士及考牌嘅經歷，得到好多朋友嘅鼓勵，紛紛留言叫我『加油！』收到，我一定會加油的，希望大家也一起加油💪暴走Joke之『我要做車長』已經拍到第四集，特別感謝城巴嘅支持，做車長一點都不容易，其實我認為每一個為生活而努力的人都絕對值得大家嘅尊敬，BTW最近我又多咗一個牌，就係大大架嘅旅遊巴，下次可以約埋一大班人四處遊覽呀！」

東網網站 : https://on.cc/東網Facebook專頁 : https://www.facebook.com/onccnews/