汪明荃獲羅家英做旅伴　互訴心聲倍感溫馨

無綫綜藝節目《帶阿姐看世界》昨晚（13 日）播出不丹篇最後一集，在不丹站中，汪明荃獲老公羅家英做旅伴，尾聲的訴心聲內容更相當溫馨！期間汪明荃追問對方：「你話你同我講嘢對牛彈琴，我唔夠關心你定咩？」羅家英直言：「幾十年入面，你係唔聽我講嘢架！」汪明荃即時解釋：「咁習慣咗吖嘛！」又指對方缺乏耐性，但羅家英否認：「我有耐性架，冇耐性唔會對得你咁耐啦！實我真係好有耐性、好有忍耐力，胸懷好大。」

不過當見到對方一再扁嘴又有啲委屈，羅家英即鬆口謂：「陰公！飲啖先，我講錯嘢。」然後更大談夫妻為何應該「床頭打交床尾和」：「對得多一定有嗌拗，嗌嚟做咩啫，聽日又對番架喇！習慣咗之後，大家明白互相嘅包涵咯。」其後汪明荃主動提及當年羅家英染疫時，自己如何出盡法寶氹他開心，包括預備「一人邊爐」及「隔住玻璃陪練歌」：「你冇心機呀！然後你練歌哩，我就喺玻璃另一邊，係氹你開心架」，之後又反問對方：「咁我為你做呢啲嘢你開唔開心呀？」當聽到羅家英表示開心後，她即露出滿足甜笑，畫面相當甜蜜溫馨。另外，二人又分享覺得汪明荃拍攝這個節目後的改變，包括「大膽咗」、「好相與咗」、「願意嘗試新事物」、「個人開朗咗」及「幽默咗」，羅家英亦認對方本身很有幽默感：「我發覺你其實好幽默，你窒我哩，你好開心架！」最後羅家英向汪明荃送上「個人專屬郵票」及婚照相架，不過二人為了婚照的光暗問題又鬥了一輪嘴。他們又按製作組要求向對方說出心底話，汪明荃表示：「最緊要身體健康，注意飲食，

記得食藥打針」，羅家英則指望對方長命過自己：「大人，我祝福你永遠青春，思想敏捷，行得走得，仲有，要長命過我。（點解呀？）我舒服啲咯。」接着二人翩翩起舞為旅程劃上圓滿句號。

東網網站 : https://on.cc/東網Facebook專頁 : https://www.facebook.com/onccnews/