李佳芯長期受濕診困擾　馬來西亞新劇反應好等添食

藝人李佳芯（Ali）到中環出席慈善畫展，分享油畫與書法，透過作品帶出關注皮膚健康訊息。愛畫畫的Ali指多年來一直有畫油畫，但因沒有時間限制，多數放在家的畫作也是未完成的作品，為了今次活動也要趕限期前完成兩幅畫作。問到將來可希望舉行個人畫展？她說：「呢個都係自己嘅心願，但係要啲時間，如果唔係今次嘅機緣，以我嘅性格都係會好慢，因為覺得畫畫係興趣，唔會趕住去畫，但係都想開畫展，覺得無論拍戲、寫書、畫畫都係透過作品同人交流。」

Ali席間透露入行後開始出現皮膚問題，尤其每逢拍劇因壓力和作息時間而例必出濕疹，她說：「我個人係容易有壓力，開工對自己有要求，有要求就自然有壓力，更加要學識調節情緒。今次拍《義和》都幾吃力，因為角色都好多情緒，又要打鬥、又要喊、又要畀人追殺，普遍都係唔好嘅情緒，對我嚟講到係有壓力嘅場口。今次都有濕疹呀，又病咗，狀態都差，呢啲都係開工伴隨嘅嘢，拍完再好好調理。」講到在無綫拍劇時濕疹是否最厲害？她說：「係呀，嗰陣劇接劇，所以冇好過，慶幸濕疹唔係生喺塊面，但係背脊、大髀就一撻撻，拍劇真係身心俱疲，但係演員就係好犯賤，忙完又會有戲癮，唞完一排又去搏過。」Ali指馬來西亞劇集《義和》播出後反應不俗，亦有聽聞有機會添食，新一年有不少工作接洽中包含外地電影，也希繼續拍劇和有機會演舞台劇。

東網網站 : https://on.cc/東網Facebook專頁 : https://www.facebook.com/onccnews/