王敏奕瞓身演出　朱敏瀚激讚：係我想合作女藝人嘅Number One

藝人王敏奕與朱敏瀚在將播出的無綫劇集《虛擬情人》中扮涳情侶，有不少甜蜜互動畫面，在率先發布的劇照中，同樣高顏值的兩人，外形襯到絕，敏奕甜笑及充滿愛意眼神更相當有吸引力。而朱仔的超純真直男樣子也相當新鮮。劇中扮演IT女強人的敏奕，除了有強悍女強人Look，亦有讀書時期的清純少女打扮，造型多元，令人賞心悅目。

首度升呢當當男主角的朱敏瀚講到與女神級的敏奕飾演情侶，他受訪時直言很開心：「佢係我想合作嘅女藝人Number One！我同佢之前其實完全冇合作過，佢畀我嘅感覺好fresh，同佢合作永遠都好易有驚喜、同好易畀佢帶到入戲。好多場戲，其實我哋都係好隨心咁演繹，冇話特別夾啲乜，但出嚟效果大家都好自然，希望觀眾都會鍾意。」朱仔覺得除了與敏奕外形合襯，連性格也襯到不得了，皆因二人MBTI同屬罕有類型INFJ，朱仔笑言：「大家好夾。」

東網網站 : https://on.cc/東網Facebook專頁 : https://www.facebook.com/onccnews/