葉蒨文直認幸福肥　曾展望：係發福肥

藝人曾展望（GM)與葉蒨文(Sophie）晚上在上水出席情人節活動，吸引不少粉絲應援，他們透露已預先交換情人節禮物，Sophie送了情侶款登台耳機，GM則送了情侶鞋給，寓意前路一起走，又預告還有神秘禮物。

講到GM與Sophie接連以情侶檔姿態搵真銀，豬籠入水，Sophie笑謂是真的肥了，更肥在腰間，但卻是幸福肥。GM則笑說：「係食肥咗，過埋年仲肥，係發福肥，因為成日都一齊食嘢，晚晚都消夜，噚晚先打邊爐。」問到不介意女友變肥？Sophie搶答說：「佢叫我再肥啲，覺得我唔夠肥。」GM則說：「我畀係嘅目標係200磅，唔係要私有化佢，就算200磅都會有對手，係因為佢鍾意食嘢，佢都公開講過唔希望女仔成日宣揚節食嘅概念。唔係瘦先靚，我覺得開心幸福，有啲肉係冇問題嘅。」

明日情人節，他們指出席完馬場活動後，晚上會一起慶祝，已有安排的GM則賣關子保持神秘。問到是否打算趁機求婚？他則笑說：「畀你哋拆穿咗添，咁依家要改期喇。（送情趣內衣？）呢樣似係畀我嘅禮物喎，自己送畀自己。」講到Sophie白色低胸裙不慎露胸墊？她則笑說：「就係食得唔夠肥。」

擔任活動司儀的林盛斌（Bob）剛由馬來西亞宣傳賀歲片回港，他指賀歲片反應好，觀眾看得很開心，老闆指票房好有機會添食。講到陳庭欣透露他果然有「筍盤」介紹？Bob說：「應承咗嘛，咁啱有兩個，所以畀相佢哋睇，睇吓新年安唔安排到團拜活動，大家見吓面食吓飯。（係咪身家億億聲？）唔講呢啲，起碼個人正正經經，經濟條友唔錯，睇吓Toby啱唔啱，唔啱就介紹佢去《女神配對計劃2》。」講到他簽下已故藝人許紹雄的女兒許惠菁發展司儀工作，Bob說：「因為之前睇佢同爸爸嘅網上節目互動幾好笑，傾開佢都有興趣做司儀，咁就一齊合作。」

東網網站 : https://on.cc/東網Facebook專頁 : https://www.facebook.com/onccnews/