陳山聰自認貪玩 陳敏之：我前世欠咗佢！全靠生仔絕招一擊即中 浪子變慈父

陳山聰 近日獲好友陳敏之邀請，在她的個人YouTube Channel節目《Chi Chat》做嘉賓。在節目中，陳山聰講述自己從浪子變成慈父的契機，還大爆一擊即中做爸爸的來龍去脈，陳敏之聽罷非常激動。網民大讚陳山聰不再給人一種貪玩的印象，比以前變得更成熟穩重得多。

撰文：Clara | 資料、圖片來源：陳敏之YouTube Channel節目《Chi Chat》、陳山聰Instagram

陳山聰老婆生仔勁冷靜 惟獨一事激到喊

陳山聰與老婆Apple於19年11月結婚，上年七月成功造人，一索得男，誕下兒子Jaco。自此他成為了寵子狂魔，不斷抱抱、親吻兒子，去哪裡都要帶著兒子。他透露自己與老婆很不一樣，由求婚、結婚、影婚紗相，對方一樣冷靜，但自己卻是激動派。有次他在產房前面等老婆生仔，他自拍淚崩的樣子給老婆，怎料她一直很冷靜，叫他不要哭，連麻醉師忍不住說：「乜原來拍戲啲眼淚係真？」之後見到兒子出世，他哭得更厲害，但老婆依然很冷靜，他笑言：「唔知啲麻醉藥係咪打咗去佢啲眼淚！」

不過其實Apple也不是未激動過，他坦言試過喝醉酒回家，激到對方非常生氣：「試過激到佢喊…(嘔到周圍都係？飲醉酒返屋企？）都係嗰啲啦，我無唔返屋企㗎，不過返錯咗屋企（仲話自己無乜拍過拖？）唔係，我返錯屋企係去錯咗另一個層數啫！」雖然他努力解釋只是去錯層數，不是去了另人的家，但仍被陳敏之嘲笑：「得喇，觀眾會明㗎喇。」

貪玩浪子常麻煩陳敏之：我前世欠咗佢

陳敏之大爆陳山聰以前每逢凌晨喝醉酒就會打電話給她，明明她正在熟睡，他都要響到別人醒為止，一開聲就講粗口，不斷講無聊東西，講到他入場玩：「以前我收幾多電話啊！煩到呢條友…我真係前世欠咗佢！」陳山聰解釋：「嗰陣後生，廿幾歲，唔玩做乜？」陳敏之就笑他底子也是很貪玩，他認同，但他表示現在已將精力投放於健身、運動、跑步、陪兒子：「Jaco放晒我啲電！」

陳敏之指他寵子程度非常誇張，在社交平台上很少見到他老婆的蹤影，她坦言未有想過原來他都是好爸爸：「佢係浪子，鍾意愛情，算係浪漫，追求個過程，我覺得佢一定玩到60歲，點知佢生個仔之後，世界只係有個仔！」

陳山聰指他喜歡小朋友，但一直想二人世界：「18歲嗰陣鍾意小朋友，屋企多兄弟姐妹、姨甥。慢隻大咗，咪出去玩。到我認識咗Apple之後，準備談婚論嫁，佢都有問過我想唔想生小朋友，我答：『生乜鬼小朋友呀，咁貴，我哋兩個自由自在，去旅行玩咪好囉。』」直到Apple的妹妹生女，他經常幫手照顧BB，激發起父愛，結果輪到老婆不想：「你依家玩嘢啊？又話唔生？我無諗住生喇！」

獲陳敏之教路一擊即中做爸爸

陳山聰很想做爸爸，所以請教陳敏之，陳敏之叫他不要浪費時間，在老婆月經後兩個星期才好行房：「唔好係咁搞啊，無用㗎！」當時陳山聰拍攝劇集《大步走》，快要結婚，有一晚回家就一擊即中:「拍完返屋企凌晨兩點幾好攰，睇劇集嗰陣倒啲威士忌出嚟飲，飲完High high哋就上床瞓。」但他輾轉反側，睡不著覺，突然想起陳敏之的話，計算之後正是當晚，決定試一試。他指老婆當時已經睡著，大驚：「你做乜嘢呀！？」他回答：「試吓呀嘛！」陳敏之聽罷笑不攏嘴。

他還說：「我覺得結婚唔係最大改變，生仔先係，我覺得佢係唯一一樣真係屬於我嘅嘢，係流緊我嘅血。」