容天佑小登科娶珠寶太子女　爆契媽麥玲玲人情成本運程書咁厚

無綫小生容天佑日前他迎娶拍拖8年的富家女扶天恩（Winnie），並在五星級酒店筵開23席，邀請多位圈中前輩及好友出席，李司棋、麥玲玲、陳展鵬、尹揚明、鄭丹瑞、朱晨麗、張頴康、崔建邦、何依婷、張彥博、翟威廉及焦浩軒都有去飲，星光熠熠。

被問道向來以豪爽見稱堪輿學家麥玲玲封多少人情，容天佑透露自己因為《法言人》與麥玲玲結緣：「因為佢好錫我，所以由戲內叫佢做契媽，去到戲外都係叫契媽。年頭上佢節目《玲玲有情報》話我今年有喜事，問我有無打算結婚？當時都未有打算，過多年先，點知過左無幾耐，就心血來潮求左婚。（封咗幾多人情？）叫得契媽，人情當然唔會細，幾多就唔講啦，不過封人情就真係同佢本運程書差唔多厚。」

至於視帝陳展鵬，容天佑稱：「展鵬就真係唔話得，佢真係非常忙，一直都預佢來唔到，點知突然間有個人搭住我，大個仔啦，恭喜哂。望清先知係展鵬，佢啱啱收工，立即趕過來，佢話人生大事，點都要見下我哋兩公婆。知道佢非常忙，要開工之餘又要照顧屋企人，都咁錫我哋，感動之餘，佢亦係我學習對象，事業同家庭都兼顧得好好。」

東網網站 : https://on.cc/東網Facebook專頁 : https://www.facebook.com/onccnews/