騙徒扮老師託玩具店代訂佛跳牆　學校發聲明籲市民小心

代購佛跳牆騙徒再現！灣仔太源街一玩具店負責人，今日(22日)在社交網專頁貼文講述險被騙經過，並上載一張印有「香港可立中學，馮永豪主任」字樣的卡片。貼文指「他(騙徒)說學校要買50件玩具送去學校，廣東話都講唔正，我哋執好貨，突然叫我幫他買佛跳牆」。負責人未作出回應，其同事即指「中啦中啦(騙案)」，因此負責人立即打電話到學校查詢，揭發根本沒有「馮永豪」此人。

涉事可立中學也在網頁發出聲明，指近日發現不法分子冒充學校職員或老師，向供應商訂購貨品，行為不僅損害學校聲譽，亦可能令供應商蒙受經濟損失。校方提醒，該校職員不會以學校名片作為身份證明；在任何大額採購前，校方必先行報價及有審批程序。校方呼籲，供應商如收到可疑訂購要求，無論透過電郵或電話，務必先與本校聯絡，以確認真偽。

事件惹來網民熱議，並指卡片上的資料錯漏百出，「個email都知假啦，學校一定會有學校email畀老師，重要係主任，點會用個人gmail？唔驚主任有咩事離職轉校後起你飛腳咩」、「Feng Yong hao 睇人名都知假」、「啲KK園唔識粵語拼音」、「未見過學校用Gmail 做email域名咁山寨」。

另有網民稱遇過同樣遭遇，「我都收過，有鄉音嘅廣東話，話想搞工作坊，叫我過去學校同佢傾。我話WhatsApp傾就得啦，有咩需要要去到學校先傾？ 同埋你廣東話咁差點做到主任級」、「我哋做車房都試過有人打嚟，自稱係保良局嘅，叫我哋做上門檢查」及「我個個案就特別啲，最好笑間離島小學已經殺學校20年，學校地方已經生長好多樹木，成個樹林咁，打電話來話我哋會喺間小學做活動，喺你間餐廳買飯，我聽完之後當笑話咁聽」。

東網網站 : https://on.cc/東網Facebook專頁 : https://www.facebook.com/onccnews/