宏褔苑大火陰霾未散　男子住宅梯間燒衣惹公憤

宏福苑五級大火的慘痛教訓猶在眼前，但近日竟有網民揭發，在其他住宅大廈的梯間，仍有住客無視消防安全，在後樓梯燒衣，引起網友嘩然。

有網民今日(7日)在社交平台上傳一條影片，片中見一名男住戶在一大廈後樓梯，半開防煙門，用化寶盆燒衣，梯間火光熊熊，導致濃煙瀰漫；片主疑為大廈住客，她聞焦味查看後，通知管理員到場，管理員手持一桶水站在燒衣男身旁戒備，而片主稱「唔可以咁樣呀！法例規定唔可以係大廈燒衣呀！」。

此時，管理員圖用手潑水將火弄熄，但燒衣男以手示意不用，並向片主稱「我睇住佢燒呀！」，片主回覆稱「法例係呀容許做呢樣嘢，你睇住都唔可以呀！」此時，燒衣男耍手稱「燒埋今日唔燒。」，管理員見狀稱「我幫你淋番熄佢呀！」，燒衣男激動地向管理員說「唔好淋熄佢」，其後管理員無奈望向片主一眼，片主聞言後「嗱！唔可以咁樣呀，你大聲，唔可以咁樣鬧管理員呀！我有晒影片，我真係報警呀咁樣，咁大教訓你都唔聽」，期間燒衣男無語，手持鐵棒撩化寶盆，其後管理員稱「我等佢熄咗先走。」，片段亦至此完結。

事件曝光後，不少網民都對涉事住客的行為感到極度憤怒，並紛紛留言，「根本就係要報警，我住嗰度都試過咁樣」、「攞條片，去報警處理」、「真接攞個滅火筒一野噴熄佢，再報警。仲同佢講講講，未傻la…」、「應該大廈管理處要安排一個地點專用燒衣紙，並貼通告於每一層𨋢大堂同地下大堂 唔係只會繼續有老人家咁做」。

東網網站 : https://on.cc/東網Facebook專頁 : https://www.facebook.com/onccnews/