謝霆鋒開騷前最後衝刺　7日極速減磅餐單大公開

男神謝霆鋒本月底將舉行啟德騷，騷飛一票難求，佢又送出20張門票加20個神秘盲盒，親民表現獲大讚，估唔到佢貼地行為又多一項，隨住演唱會日子愈嚟愈近，佢都狂操肌，並拍片分享自己一星期極速減磅餐單，簡單又可口！

謝霆鋒指自己極速減磅方法，除咗做運動，飲食都要節制，最令人意想唔到係佢一星期餐單入面，有4日係食高蛋白餐，包括2至3粒茶葉蛋，雞胸肉唔用油落鑊煎，加上其公司出品嘅蝦肉腸，用氣炸鍋加熱，簡單就完成一餐，賣相亦好睇得。至於其他3日，霆鋒就會食沙律，依家霆鋒亦已操到最佳狀態，似乎佢打算騷上大晒健碩身材。

東網網站 : https://on.cc/東網Facebook專頁 : https://www.facebook.com/onccnews/