Serafim S3 手機遊戲手柄，香港廣東話開箱

Serafim S3 遊戲手柄 https://serafimhk.com/

Serafim S3 既設計理念就係以簡單、直接為主，開盒之後就可以見到佢既本體，造型相當簡單，兩邊既手掣位類似 Switch 的分體設計，中間以一個可以調校寬度的彈簧架構進行連接，背面既手柄位可以拆出替換，配合番用戶唔同既手型。 手掣佈局方面，參考左 Xbox、PS 等主流家用主機，左右邊各一個 Joystick，另有十字鍵和ABXY的常見按鍵。Serafim 強調 S3 既Joystick 同埋機頂既 L2、 R2 Trigger 掣係採用成本較高既霍爾電磁感應式設計，就算用幾耐都唔會出現好似 Switch Joy Con 咁樣既漂移現象，用上手亦都非常順滑。

除左手機上面玩到既遊戲，相信好多人買個手掣返黎都係想試下喺手機上面玩一啲 3A 級大作，而呢方面近年唔同平台既遊戲串流服務就幫到大家，例如係 GeForce Now、Steam Link、Xbox Cloud Gaming 同埋 PS Remote Play 咁，都可以俾大家用手機以遙距連線既方式玩到主機、PC 上面既大作。而如果想更方便咁用到呢啲平台既服務，各位就可以安裝返 Serafim Console 呢隻 App，裝左之後佢基本上就集合哂唔同平台既熱門遊戲，揀完之後佢就會自動跳去適用既平台開始遊戲，過程簡化左唔少架。