東方日報C1：張學友巔峰狀態再戰紅館　晒神技不言休

現年64歲的歌神張學友展開跨年紅館巡唱，唱功、顏值達巔峰狀態外，更因重返香港「主場」而極度風騷，騷上妙語如珠變身笑匠，自嘲「年紀大，機器壞」，不過舞台能醫百病，他霸氣表示：「只要企喺度，我就係張學友。」

歌神張學友相隔兩年載譽歸來，共20場的《張學友60+巡迴演唱會香港終章》前晚在紅館揭開序幕，逾萬觀眾席爆滿，他跳唱近30首經典歌曲，提供了足足3小時的最高視聽享受。他和多位舞蹈員先以一連串快歌《留住這時光》、《Ooh La La》及《馬路英雄》炒熱氣氛，穿一身皮褸皮褲站在古董車頂上跳唱，再「空降」台前開始「卡拉OK」時間，輪流獻上《我應該》、《等你等到我心痛》、《深海》及《三天兩夜》等代表作。

學友唱罷《我真的受傷了》後，以最具紅館集體回憶的方式跟歌迷打招呼：「香港嘅朋友你哋好！其實我想講『山頂嘅朋友你哋好。』」不過又覺得「山頂位」已不再是「山旮旯」，所以笑說：「買最前飛嘅朋友好傻，其實後面都睇到，哈哈！」全場爆笑。他覺得在香港舉行巡唱最終章是一件溫暖事，所以感觸表示：「只要企喺度，我就會覺得我係張學友，歡迎大家嚟到《張學友60+巡迴演唱會》嘅第305場。」

自爆有「特殊體質」

上月剛在新加坡舉行了6場巡唱的學友，與演唱會樂團及團隊休息了3周，難得有機會「充爆電」，他卻自爆有「特殊體質」：「我有個唔好嘅習慣，一休息就病，小休小病，大休大病。休息嘅第一個星期，將之前嘅感冒清咗，之後諗住打吓波，點知打完條腰就唔郁得，可能呢啲就係60+嘅問題。早幾年，我以為60歲好多優惠，但原來係65歲先有。但……過幾個月我就65歲喇！哈哈！」台下再爆發一陣笑聲。

他指自己的作品已陪伴歌迷共度41載，跟他們一樣曾擔心可能沒機會再開騷：「我唔知大家會唔會諗住今次係我最後一次開演唱會，所以無論如何都要睇咗先。上一次我開（騷）時，都係怕、懷疑、以為係最後一次，但過幾年咪又係唱。」雖然說時感慨萬千，但他為證明自己有實力，更有腰力，隨即表演一字馬，之後再輕鬆站起來，自豪表示：「睇我自己起到身就知，我上次係爬起身。所以唔使驚，我仲喺度。」歌神寶刀未老，即時贏得萬人掌聲。

到Encore環節，學友完美演繹《李香蘭》，他指在巡唱的兩年多旅程中，身邊的樂手、舞蹈員及幕後工作人員陸續結婚，與羅美薇結婚29年的他突然搞笑：「呢兩年發生好多事，當然冇發生喺我身上啦！」更準備了愛情組曲包括《你是我今生唯一傳奇》、《你的名字我的姓氏》等送給新婚歌迷，最後以一曲《吻別》結束頭場演出。他披着毛巾離開紅館，見後台鐵欄外有不少歌迷聚集，向各人揮手示意後才跳上車，相當寵粉。

Gin Lee捧偶像場偷師

歌手李幸倪（Gin Lee）向來視張學友為超級偶像，早年更有幸獲歌神加持，令她心存感激。前晚她悉心打扮現身睇騷，對學友的歌藝完全是嘆為觀止。而她亦看得非常投入，不停在台下跟住唱，又隨音樂扭動蛇腰揮動螢光棒，連坐在身旁的英皇老闆楊受成都被感染，邊聽歌邊起舞，認真好氣氛！

由於她明年二月將在紅館舉行個唱，今次可謂乘機偷師，她也在社交網分享感受：「開show前先看show，看演唱會好放鬆的時間，老闆突然提醒我還有40幾日在這裏開演唱會的就是我了，忽然有點緊張……」

更多新聞，請瀏覽東方日報網頁：

https://orientaldaily.on.cc

東網網站 : https://on.cc/東網Facebook專頁 : https://www.facebook.com/onccnews/