鮮娛糧｜白鹿曾舜晞再被目擊韓國約會　高顏值大方4人行

內地花旦白鹿最近同劇集《臨江仙》演員曾舜晞、陳鶴一及梁永棋大年初三出發到韓國旅遊，4人因合作《臨》劇而成為好友，今次係眾人第二次春節私人團建，仲去埋捧韓國女團idle開騷，當中中國籍成員宋雨琦與白鹿係綜藝節目《奔跑吧12》主持，一個新年見晒咁多位圈中好友。尋日（22日）眾人再被偶遇，全部人無遮無掩大方出巡，高顏值配搭令網友羨慕。

白鹿、曾舜晞、梁永棋及陳鶴一4人現身韓國街頭，更喺首爾逛街時多次被偶遇，現場分工默契：陳鶴一推行李，梁永棋擔任攝影，曾舜晞規劃路線，白鹿記錄花絮。早前唔少網民都好奇白鹿與曾舜晞是否拍拖，今次再現身，雖然唔係單獨約會，不過都夠CP粉搵「拍拖」證據，仲有人留言話另外兩人只係煙霧彈，又指好羨慕4位高顏值男、女神可以一同毫無避忌咁去旅行，等睇眾人upload嘅合照同vlog。

東網網站 : https://on.cc/東網Facebook專頁 : https://www.facebook.com/onccnews/