日本吸盤魚仰卧水底　被質疑已離世　水族館：只有餵食時會郁

日本富山縣魚津水族館近日憑一張吸盤魚仰躺在水底「擺爛」的照片在社交平台走紅。該條名為「ナガコバン」的吸盤魚，因深受飼養員寵愛，長期進食充足、幾乎不動，體型明顯比一般吸盤魚圓潤得多，水族館目前已開始為牠安排減肥。

水族館於本月14日透過官方X（前Twitter）分享相片，只見ナガコバン整條魚仰臥貼在水缸底部，一動不動，懶洋洋模樣令人忍俊不禁。帖文寫道：「呢位朋友每日只會喺餵食時間活動，其餘時間幾乎完全唔郁，搞到唔少訪客都問我哋佢係咪死咗。其實佢只係過得太幸福，變得好似木頭咁可愛。」

有網民後來亦貼出現場片段，證實ナガコバン確實會在餵食時短暫游動，形容牠「又肥又可愛」。

然而，有人翻查其他吸盤魚的資料後發現，普遍同類體型較為纖瘦，只有ナガコバン的身形異常肥大，引起網民熱議：「查咗吓其他吸盤魚，佢真係肥咗成兩倍」、「喺野外應該見唔到呢種形態」、「根本就係我週日嘅寫照」。對此，水族館回應指已經留意情況，並開始調整牠的飲食量及活動時間，希望逐步協助牠回復健康體態。

不少網民隨即留言打氣：「吸盤丸子加油減肥呀！」、「咁樣肥得咁幸福都幾羨慕」、「快啲瘦返啲啦，不過咁樣都幾得意」。