東方日報C1：鍾柔美親密關係曝光任攬任錫

剛滿19歲的「聲夢小花」鍾柔美與年長13年的無綫「親生仔」劉展霆緋聞傳了多時，前日她疑似錯手於社交平台「放閃」，上載了一段二人親密錫面互動短片，事後她彈弓手秒刪「回收」，但已遭網民存底。事件隨即引起熱議，而她則「潛水」未有回應。

童星出身的鍾柔美（Yumi）一向醉心演藝事業，且獲無綫力捧。3年前她與劇集《青春本我》拍檔、男團Super Tiger成員劉展霆（Eden）開始傳緋聞，甚至有指二人於社交平台開設了情侶帳號，但可能要保護愛苗及事業，Yumi矢口否認戀聞，信誓旦旦表示要專注學業。及後她曾與男同學結伴睇戲，同樣否認拍拖，感情生活撲朔迷離！

然而前日Yumi疑似錯手，於社交網限時動態分享了與Eden的甜蜜錫面片段，雖然她秒速醒覺並刪除，但已遭網民儲存及於網上瘋傳，恍如拋下震撼彈，引起熱議。片中疑似由Yumi揸機自拍，Eden從背後環抱她，並親吻其臉頰，女方表現得非常受落。據悉，Yumi於15歲便認識Eden，雖然男方較她年長一截，但彼此有共同嗜好十分啱Key，卻有傳公司向她下了「禁戀令」，故Yumi對感情事守口如瓶。今次疑錯手出Post，Yumi引來粉絲及網民鬧爆：「TVB鍾柔美扮A0？好似極速delete咗」、「米路斷了」，亦有人擔心她今次自毀星途。

姚焯菲解圍話玩吓

其實Yumi可謂釣得「金龜婿」，事關Eden家底不錯，劉母任職海鮮買手，兼擁有3個海鮮檔，同時經營海鮮批發店，Eden也不時會在社交平台幫媽媽的批發生意宣傳。Eden曾於新西蘭生活升學逾10年，大學修讀西廚課程，並曾在大型超市擔任部門經理。原本Eden已申請移民，但因疫情改變計劃，回港後在朋人介紹下報名參加節目《盛．舞者》而入行。擅長跳霹靂舞的他，更曾學跆拳道、中國功夫及柔道，雖然在節目中落敗，但獲無綫賞識，簽約成為經理人合約藝員。

就拍拖一事記者嘗試求證Yumi，惟截稿前仍未獲回覆。其剛返港放寒假的好姊妹姚焯菲（Chantel），昨午現身維園出席活動，自然成為追訪對象，Chantel代Yumi否認戀聞：「大家冷靜少少，我知道尋晚大家有聚會，估計條片係玩遊戲輸咗嘅懲罰環節。（覺得佢哋好襯？）唔清楚情況，我同Yumi好少談感情問題，但喺我個腦入面佢哋一直係朋友，幻想唔到佢哋係一對情侶！」她指若對方拍拖自己會很驚訝，但會支持Yumi所有決定。

Chantel認同不少情侶是由朋友發展而成，當提到她與歌手李克勤長子李立仁（Ryan）成好友更爆出緋聞，她即謂：「呢個真係唔得，我哋太熟，我仲大佢兩年，佢成日笑我老。」問到是否公司下令不准拍拖，她表示公司從未對她提過。續指跟Ryan一起在外國讀書互相照應：「佢認路叻，我就會喺其他事情上畀意見佢。（返嚟會拜訪克勤夫婦？）睇吓夾唔夾到時間。」

同場的張馳豪亦指Yumi的緋聞只是外界揣測而已，又指作為公眾人物出Post前真的要考慮清楚。至於他將來拍拖會否公開戀情？他笑指公開好處更多，至少行街不用左閃右避。

更多新聞，請瀏覽東方日報網頁：

https://orientaldaily.on.cc

東網網站 : https://on.cc/東網Facebook專頁 : https://www.facebook.com/onccnews/