張天賦、湯令山首合體　致敬60年代復古音樂

MC張天賦與湯令山（Gareth.T）首度合體推出新歌，《金童子》曲風以60年代復古的doo-wop／Motown音樂為靈感，將經典靈魂樂旋律與現代節奏融合。編曲採用電鋼琴、結他、鋼琴及充滿律動感的鼓點，營造出既懷舊又充滿動感的溫暖氛圍。

Gareth透露二人今次合作契機：「華納同事話我同MC出首歌，整完啦我哋首歌，拍埋MV啦！」他分享歌詞是Wyman自去年他們於各頒獎禮獲獎後有感而發，而作曲靈感，Gareth則風趣地說：「瞓覺起身諗到！」。

MV六是向60年代歌曲MV致敬，兩位「華納舞王」穿上一身踢死兔加上沙塵十足的舞步，結尾圍圈跳舞場面，玩味十足，配埋「Woo Woo Woo 閃爆你」ad-lib，超級歡樂！問到跳舞部份是否身為 MV導演的Gareth要求？Gareth立即指著MC說：「好似係你問我㗎喎！」MC 亦搞笑回應：「因為一開頭佢（Gareth）就話俾我聽嗰個舞台效果、有咩燈光、一個點樣嘅場地，於是我就話咁不如我哋跳埋舞啦，點知就認真咗……跳舞囉！」。

二人互笠高帽大讚對方舞技有120分！MC更大讚Gareth是他合作過最好的導演：「拍過咁多MV導演，佢係最好嘅導演，因為快收工啦，所有嘢都準備充足，又輕鬆同埋成件事出嚟好有型，同埋應該好耐冇呢類型嘅MV。」