拜仁中堅金玟哉長期帶傷上陣，跟腱問題已經惡化變成跟腱發炎

根據德國圖片報消息，拜仁中堅金玟哉跟腱問題由上年11月開始就一直存在，最近因為拜仁無咩後防球員，令金玟哉需要帶傷上陣，而跟腱問題已經惡化變成跟腱發炎，所以金玟哉有時候無辦法好似正常球員咁樣跳得咁高🥲

之前對住國際米蘭歐聯8強次回合比賽之後，金玟哉受到唔同批評。為咗避免再係互聯網收到侮辱性攻擊，呢位韓國🇰🇷球員決定關閉社交網站評論區，大家可以去IG睇吓金攻哉最近幾日出嘅post已經限制留言🥺

拜仁教練甘賓尼出席記者會被問到金攻哉受到批評，呢位比利時🇧🇪教練就話「我絕對唔會係公開場合批評球員，因為團結一致係非常重要。如果一位球員表現唔好，我哋會單獨同球員進行溝通，而我哋依家只需要做嘅係全力以赴，專注自己表現🙂。」