Cheronna晒Yanny浪漫婚禮絕密相　姐妹助走出低谷

前Super Girls成員陳穎欣（Yanny）上月中跟著名音樂監製陳考威（Gareth）於澳洲舉行婚禮，多位圈中好友亦獲邀出席見證幸福，場面星光熠熠，至於前Super Girls成員蔡明思（Jessica）及吳嘉禧（Cheronna）則為Yanny擔任姊妹，造就Super Girls三位成員婚禮上再度合體。

吳嘉禧於社交網發文分享感受，直言整個婚禮都充滿愛，直至現在仍感覺很夢幻，與新郎新娘分屬好友的她，道出對兩位好友的感覺，她大讚新郎哥陳考威絕對是一位才子，雖然曾經被人質疑其才華和人品，背負着不少別人的中傷，但一直堅持和相信自己同音樂，最終讓大家看得見他的才華，她寫道：「到今日，能夠娶到一個同佢同甘共苦嘅太太。陳考威，面對面我唔敢同你講（太肉麻），喺呢到講 I am so proud of you！」

至於對新娘子Yanny，吳嘉禧形容是她生命中一位很重要的人，她說：「我生命入面有好幾次，令我覺得好彩有佢令我清醒，面對自己。佢每次同我傾偈，都會好好分析，用我最容易理解嘅方法去了解我面對嘅困難。」她坦言自己曾有幾次跌入人生低谷，幸好有Yanny在身邊一真支持她，她續說：「所以我有同佢講過，如果有一日我選擇了結自己生命，我一定會寫一封公開嘅遺書，為你討回公道，讚頌你。我都好似有講過，如果你死於非命，我都會死於非命，唔知係唔係因為咁，佢會時不時Text我，我覺得佢係想試探我係咪安全。」

吳嘉禧坦言整個婚禮都不敢讓自己喝醉，因為她要確保婚禮中每件事情都可以做到完美，她說：「我想Yanny同Gareth好好享受佢哋嘅Big Day，你哋兩個好靚，係全世界最靚嘅人。我生命能夠有你哋，見證你哋幸福美滿，係我榮幸。」

東網網站 : https://on.cc/東網Facebook專頁 : https://www.facebook.com/onccnews/