汪小菲妻15分鐘生完仔　張蘭至今未聽到孫仔喊聲

已故台灣藝人徐熙媛（大S）前夫汪小菲與其新任老婆馬筱梅（Mandy）尋日（23日）大年初七喜得囝囝「小馬寶」，當中奶奶張蘭率先大爆Mandy於台灣生產，今日（25日）又直播分享新抱生產經過，透露Mandy冇揀日子生產，小孫子自己選日子降臨到地球，而且15分鐘就生完，至今佢哋更未聽到小孫子哭聲，大讚係「天使寶寶」。

張蘭晒出小孫子影片，寫下：「母子平安，世界多了一個你，而我多了一個世界」、「提心吊膽的十個月，充滿期待的十個月」張蘭開埋直播大談新B，指「小馬寶是自己來的」，冇刻意去算好時辰生產，農曆正月初七嗰日出世，亦冇畀家人添麻煩：「15分鐘就來了！」仲話小馬寶「特逗」：「到現在還沒有聽到他哭一聲。」讚孫仔感覺個性安靜。

張蘭續指Mandy生產過程有乜準備，甚至冇咩痛就平安誕下寶寶，回憶當時家屬回家準備休息瞓覺，小馬寶就自己「腳給踹出來了」，冇令讓媽媽折騰，感覺小孫子都等唔切嚟呢個世界。

東網網站 : https://on.cc/東網Facebook專頁 : https://www.facebook.com/onccnews/