吳業坤大展鴻圖　胡鴻鈞唔怕催婚

歌手吳業坤及胡鴻鈞新春期間難得聚頭，兩人齊考古重提相識16載的趣事，自爆曾鬧出「Hehe情」疑雲，又互𢱑着數，還親授在拜年時，一句就可KO親友催生、追婚之妙法，全程爆笑連場。

同屬「巨聲幫」的吳業坤及胡鴻鈞（Hubert），去年首度合體分別在香港及佛山舉行演唱會，二人雖然私下較少見面，但友情不變，Hubert回想當年和吳業坤一星期見幾次，笑言曾日久生「情」，誤會暗戀對方：「嗰時都諗過點解成日同佢糖黐豆咁，但其實唔係鍾意佢，可能佢嗰時肥啲，有種依賴嘅感覺，佢對眼好大，當佢好真誠咁望人時，就會覺得好多嘢喺佢眼入面，搞到我都唔敢直視。」被讚「眼睛會說話」的吳業坤直認是桃花眼，自豪謂：「有玄學師傅話我一擘開眼已經係桃花，所以我要戴番副眼鏡擋一擋。」

夢想開餐廳酒吧

至於跟親友拜年時，可擔心被追婚或催生？Hubert直接謂：「我會答『關你乜事』。（唔怕得罪親友？）又唔會，佢哋唔八卦娛樂新聞。（有人問同蔡思貝嘅緋聞？）冇喎，通常同我阿媽八卦，好少同我八卦。」至於吳業坤被問何時添丁時就會回說：「遲啲先，不過一年又一年，都遲咗3年。」

吳業坤就指推遲生B計劃，全因要籌備明年再進軍飲食業，雖然之前投資西裝及拉麵店均損手，但仍夢想開一間餐廳加酒吧，可以招呼朋友，Hubert亦祝願老友追夢成功，自己亦可佔吓便宜。Hubert自知非做生意材料，卻有老闆命，和朋友合夥代理銀器首飾店年年賺錢：「其實我係乜都冇做過。」吳業坤即趁機𢱑着數：「又話送銀器畀我嘅？」Hubert謂會補送。

吳業坤

化粧：Kyo Lee@k_y_o_makeup

髮型：Ken yong@hair corner k11artmall

場地：No Work On Island

東網網站 : https://on.cc/東網Facebook專頁 : https://www.facebook.com/onccnews/