鄧麗欣奪「我最喜愛的女歌手」有獎勵　Plan去旅行男友請

藝人鄧麗欣（Stephy）昨晚（16日）在銅鑼灣出席品牌活動，她最近撇低男友與友人到西藏旅行，原來她已經先後到過西藏4、5次，相當喜歡這地方，認為就算一年去一次也不會厭倦。不過，今次因為冬天到當地，加上直接飛到拉薩，也出現高山反應，感到頭痛和疲倦。問到為何男友未有同行﹖她則笑說：「因為佢冇咁多假。（儲定假準備結婚？）唔係呀，係因為遲啲會去遠少少嘅地方旅行。」

Stephy早前奪得叱咤「我最喜愛的女歌手」大獎，問到男朋友可有獎勵？她笑說：「又冇乜特別喎，係囉，冇諗呢樣嘢添，咁去旅行囉。（男友請旅行？）OK啦，唔好意思講得咁白嘅。」講到藝人顧定軒最近突然清空社交網，更展示面部和身上的纍纍傷痕，情況令人擔心，當時Stephy也有留言慰問，她說：「見到都嚇親，之後見佢都有講冇乜事，叫大家唔使擔心，都有叫佢加油，但係冇講太多嘢，可能係年輕人搵緊自己嘅方向，因為認識嘅佢係好積極、好乖仔，所以覺得佢應該問題唔大，但係如果有都咩都要講，千祈唔好收埋。」

東網網站 : https://on.cc/東網Facebook專頁 : https://www.facebook.com/onccnews/