陳凱琳出書做才女　澄清「少婦聯盟」冇反面

陳凱琳（Grace）今日為慈善獎券義賣啟動禮擔任嘉賓，為SEN兒童和家長的服務籌款，Grace去年開始籌備出英文兒童圖書，以三個兒子的故事作靈感，裏面的插畫由一位畫家操刀，下月先在加拿大推出，之後會在香港不同學校宣傳。問到是否向才女方面進發？她小笑説：「唔好咁講，係一個小Project，暫時出一本先，是完成心願，亦有翻譯中文版方便更多人睇。」

另外，她與龔嘉欣、譚凱琪等組成的「少婦聯盟」經常被指不齊人，Grace避重就輕講笑：「我都驚有時冇Po老公合照，會畀人話我哋少見面，有時聚會嘅相都未必會Po晒出嚟。」澄清不用開工時會經常見面並冇反面，Grace表示網上經常好多傳聞，笑言傳過她有第4胎又傳她離婚等，希望停止散播謠言。

至於早前她在網上透露3月過得很艱苦，Grace一面嚴肅表示：「係屋企事，唔太方便講，只想畀大家知道，雖然我經常發放正能量，但其實我都有唔開心時候，我Po完就當發洩咗，唔想呃全世界自己冇唔開心，（件事解決咗？）算係解決。」

東網網站 : https://on.cc/東網Facebook專頁 : https://www.facebook.com/onccnews/