古天樂開通新社交平台帳號　吳肇軒質疑假Acc本尊現真身「還擊」

型男古天樂（古仔）憑熱爆電影《尋秦記》再打造全城效應，其一言一行均成為網民熱話，而近日古仔緊貼潮流進駐年輕人最愛的社群網站平台，以「古天樂Louis Koo」開立新帳號，直叫網友「原地爆炸」火速入加粉絲群，至今已達21萬粉絲，人氣相當「犀飛利」。

有網民質疑謂：「肯定係PR圑體用佢自己用小號巡視啦！」而隸屬古仔公司的藝人吳肇軒更斗膽挑機：「圖都冇張，點信你係古天樂呀，我都係古天樂呀！」古仔見字即時做嘢，為證本尊「用心營業」，除留言說：「估到你哋唔信，好彩影低咗。」再上載短片以正視聽，着了西裝的他正錄手機語音謂：「PR圑隊就係我，我就係PR圑隊，我問你死未？！」其風趣幽默笑爆全網。由於古仔追蹤他，令吳肇軒狂喜，晒命謂：「今次我話我贏咗99%

香港人，你哋駁我唔到喇啩？」古仔再覆:「Follow返你，但借一借你個位問吓大家，我第一條寫咩好＠siuhinng你都要答!」

古仔亦為慶祝其帳號「新張營業」，不停「上水」跟網民互動，有網民上載電視版的《尋秦記》，留言：「40集總共出現22次混帳。」古仔又留言；「混～帳～！」又有網民分享古仔和宣萱謝票時，宣萱表示「會帶陶總返去」，古仔又搭訕：「其實係我同陶總管有嘢。」

另外，網民又發現宣萱、張繼聰、朱鑑然已第一時間Follow，亦有網民猜古仔開始玩最新社群網站平台，跟愛玩此社群網站平台的宣萱有關。

東網網站 : https://on.cc/東網Facebook專頁 : https://www.facebook.com/onccnews/