「亞視視帝」早餐食花膠飽魚　曾因腰患行唔到路

現年63歲的「亞視視帝」林韋辰近年定居內地發展，直播帶貨之餘還不時拍片跟粉絲分享日常生活，雖然已經「登六」但他凍齡有道，完全看不出真實年齡。近日他就分享了自己的滋補早餐，片中他身穿睡袍在廚房整早餐，食材非常豐富：「用咗$1500買返嚟嘅花膠，整個澳門買返嚟嘅蝦子麵，好好食㗎，再加個鮮飽魚同埋冬菇，咁就得㗎喇！」之後林韋辰一邊食一邊說：「早餐要整個營養夠豐富先得嘅，呢個蝦子都一絕呀！花膠就係要咁樣食喇，朝頭早係咪要膠質滿滿呀，一口一啖花膠，正到冇朋友呀！」

事實上，林韋辰前年透露因拍戲的舊患致坐骨神經痛復發，嘗試多種治療方法，曾入院、看中醫、針灸、復位等，但仍要用助行架輔助行路，他直言：「一個咁簡單行路嘅動作，好似與生俱來就識嘅動作，佢要攞走你就攞走你，你係動彈不得。」他又形容那段時間是他人生中最黑暗的三個月，「情況都幾嚴重下，唔瞓得啦，唔企得啦，唔行得啦，唔坐得，幾乎令我嗰個意志都消沉咗落嚟，個人直接係瘦咗十幾斤，完全冇狀態啦。」幸好之後逐漸康復，亦因此他變得更加關注保養身體。

東網網站 : https://on.cc/東網Facebook專頁 : https://www.facebook.com/onccnews/