江若琳走過合約糾紛　感觸：可以光明正大唱我嘅作品

歌手江若琳（Elanne）昨日（7日）時隔5年再次亮相音樂節目《CHILL CLUB》，重新演繹不同時代的經典歌曲，與觀眾共度難忘時刻。她回憶起上一次參與該節目時，仍因與前公司的合約糾紛而陷入惶恐之中，如今得以重新出發，難免感觸良多。

Elanne在社交網表示：「對上一次喺Chill Club唱歌已經係5年前嘅事了。當時我仲好記得PA們問過我『你有官司在身，怕唔怕唱舊歌？』當時我好怕！估唔到5年後嘅我係可以光明正大分享我嘅作品，唱我曾經好喜歡嘅音樂。」她又樂見近年樂壇出現了不少風格各異的女歌手，讓她看到了更多可能性：「每一位我都好欣賞，今次有機會演繹大家嘅作品好有意義～」不少網民大讚Elanne唱功了得，還直言聽到其歌聲，回憶即刻返晒嚟！

東網網站 : https://on.cc/東網Facebook專頁 : https://www.facebook.com/onccnews/