傳姜濤加盟做師弟　葉巧琳開腔回應

歌手葉巧琳、黃劍文及鄭俊弘近日為音樂劇《為你鍾情》演出，黃劍文透露開騷前不慎弄傷腳：「我去咗搵醫師幫手做針灸散瘀，要頂埋呢幾日完成音樂劇演出至有時間去治療！」至於鄭俊弘表示全家都會來捧場：「仔仔都會嚟睇尾場，到時媽咪、公公都會陪住佢哋嚟支持我！」

而葉巧琳表示再演音樂劇，令演員間默契提升：「我同劍文啲感情線呢，其實係專登加啲『蜜糖』，大家睇落去係可以甜啲！依家熟悉咗做音樂劇，依家好似返屋企，心情會放鬆啲！」提到早前炎明熹加盟同唱片公司，姜濤亦在傳言名單：「咩話？我真係唔知！我連炎明熹加盟都係當日才知道，所以在我身上是收不到消息，我已經很久沒回公司，綵排太忙碌了！」

東網網站 : https://on.cc/東網Facebook專頁 : https://www.facebook.com/onccnews/