湯告魯斯被爆客串拍攝《星戰》新片

由加拿大男星賴恩高斯寧（Ryan Gosling）主演的《星球大戰》（Star Wars）系列新片《Star Wars: Starfighter》上年12月殺青，預計明年5月上映，加拿大導演Shawn Levy受訪時透露美國男星湯告魯斯（Tom Cruise）曾經前來探班，更客串做攝影師落水揸機，令其名牌鞋報銷！

據稱上年11月湯告魯斯獲安排探班，他乘坐直升機抵達片場，工作人員大聲播放其招牌作品《職業特工隊》（Mission: Impossible）主題音樂恭候大駕。本來湯告魯斯只是來看熱鬧，但當Shawn要執導一場泥沼中的光劍格鬥戲份，他開玩笑叫湯告魯斯去操作攝影機，怎料湯告魯斯二話不說照做，Shawn憶述：「佢跳落泥沼，啲水浸過膝頭。佢操作數碼攝影機時個樣好認真，嘗試攞到個完美鏡頭。咁依家當你哋去睇電影時，你就會知道邊部份係由湯拍攝。你話，係咪好正？」他又笑言：「上禮拜史提芬史匹堡（Steven Spielberg）嚟過探班。依家湯告魯斯就嚟揸攝影機，令佢對靚鞋報銷。」

東網網站 : https://on.cc/東網Facebook專頁 : https://www.facebook.com/onccnews/