古天樂獲追問睇唔睇鹹片　遭網紅摸大髀仍好笑容

型男古天樂（古仔）為宣傳電影《尋秦記》，已達到無處不在地步，日前他驚喜現身主打年青人觀眾的網台，接受曾暗寸姜濤及Edan的組合JFYT成員訪問，令網民大叫「太癲」，事後古仔更在社交平台分享合照，網民留言「無辦法相信古天樂先生上咗網台。」

期間網台成員挑機古仔的「關公才能」，發問尖銳性問題如「鹹片睇唔睇？」他先「嘩」一聲，尷尬到低頭大笑，更怕醜到用手掩面，之後邊笑邊叫停謂：「好啦，過咗啦」，就算再被追問，他都笑而不答，表現大方又成功「過骨」。

另外，又有主播自爆曾在機場，只招待頭等艙乘客的貴賓餐廳任服務員，憶述往事的他激動到爆粗謂：「我淨係將啲食物擺喺你枱度啫，你好Cool，但講咗一句『唔該』，好X有禮貌。」可是零印象的古仔一茫然，主持繼續「吹奏」連續重複謂「我已經沉咗（對古仔着迷）」，更情難自控摸了古仔大髀共兩次之多，網民直指古仔魅力沒法擋，男女通殺。

東網網站 : https://on.cc/東網Facebook專頁 : https://www.facebook.com/onccnews/