莊子璇髮型師好帶挈　全新「鷹鼻」4.0曝光

2023年港姐冠軍莊子璇近年容貌不斷升級，每每見人都有新風格、新裝備，最近佢公開見人就係現身《萬千星輝頒獎典禮2025》，雖然佢痛失女新人獎大熱倒灶，不過佢嘅「間尺鼻」亦成為討論焦點。日前莊子璇髮型師於社交平台上載同莊子璇合照，莊子璇負責揸機，高炒自拍，只見佢「4.0新樣」鼻樑更高更隆起，鼻翼更窄，秒變「鷹鼻」，人中亦相對變長，同參選時嘅青澀原裝靚樣相差甚遠，混血Feel更濃。

翻查當日佢現身靚相，只見佢仍保留3.0美貌，未似合照中鼻翼咁窄，佢自己Post嘅相亦明顯鼻樑更見合理，似乎合自拍角度及美顏過度，先會令鼻形有如此驚人變化。

東網網站 : https://on.cc/東網Facebook專頁 : https://www.facebook.com/onccnews/