張家輝米蘭被目擊搶住拎行李　關詠荷罕見狀態曝光

影帝張家輝近年頻頻被野生捕獲，多次出巡時都被撞到，加上老婆關詠荷由早年罕有現身，到依家每每出入跟住老公，被偶遇時亦大方同粉絲合照，親民程度爆晒燈。日前有粉絲喺意大利米蘭偶遇兩人，被要求合照時完全冇巨星架子，關詠荷嘅四眼素顏狀態更係驚艷大批網民。

有粉絲於米蘭機場偶遇張家輝同關詠荷，並上載合照，揭係前日（14日）影嘅新相：「1/14 米蘭機場入境偶遇張家輝關詠荷夫妻 沒想到同一個航班到米蘭，哈哈哈，第一次零距離偶遇明星。#米蘭 #米蘭機場」相中見張家輝同關詠荷均穿上素色衛衣情侶裝，張家輝戴上冷帽滲出星味，手中拎住機票與護照，時不時幫太太照顧細節，該網民又大讚張家輝好細心，搶住幫太太拎行李。關詠荷則戴上眼鏡，即使素顏狀態下皮膚依然緊緻，超凍齡現身，更被眼利網民發現佢未有用名牌手袋，低調又夠Nice。

東網網站 : https://on.cc/東網Facebook專頁 : https://www.facebook.com/onccnews/