老火湯痛風湯？痛風症患者小心 改以呢兩樣食材煲可減脂
廣東人愛煲湯，認為湯水有養生保健，湯水更會配合季節，例如秋冬天較滋補、春天濕氣重就煲袪濕湯、夏天冬瓜湯又可以消暑。不過肉類經過長時間烹調後會將嘌呤釋放到湯水裏，如果飲太多可能會增加尿酸水平，影響關節。
揀煲湯骨注意
豬骨或西施骨是最受歡迎的煲湯骨，不少老一輩都認為豬骨可以帶起鮮味，飲湯時亦可吸收骨內的鈣質。不過有營養師指，雖然豬骨中有豐富鈣質，但不會釋放到湯水內；相反，骨髓內的脂肪就會溶於水內，令湯水充滿脂肪。
另外肉類在長時間烹調後，其嘌呤就會釋放到湯水內。嘌呤在體內代謝後會形成尿酸，令體內的尿酸水平升高，導致過多的尿酸積聚在關節內，誘發痛風。
痛風症要少飲
因此本身痛風症或關注尿酸問題的人士，應減少飲老火湯，或以滾湯為主。如果仍想飲老火湯，可考慮改以瘦肉或豬展煲湯，減少湯水中的油分及脂肪，味道差不多，但就更加清淡健康！
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)