Anson Lo亞博騷被爆唱頭兩場走晒音　之後索性咪嘴求過骨？

人氣男團MIRROR成員Anson Lo（盧瀚霆）亞博演唱會今晚（10日）終於來到尾場，AL連日來就似Fashion Show，令神徒（粉絲暱稱）睇到如癡如醉。有網民今日在社交網更發現，懷疑AL唱Live咪嘴，配上片段見他聲音與口形不夾，該網民更指：「Anson Lo演唱會咪嘴，無問題？？？仲要扮到唱得好好，吹奏佢無氣喘😂頭場真唱兩首走晒音，之後就放棄唱，全咪嘴！」又指其他歌手真唱狀態差少少都比人鬧，感到不公平。

亦有網民比較持平：「公道講句，如果佢又要跳又要唱，跳舞係佢賣點加上本身已經唱得唔好嘅時候不如咪嘴算啦，聽覺冇咁難受同埋入場嘅觀眾都係想睇佢個人！」

東網網站 : https://on.cc/東網Facebook專頁 : https://www.facebook.com/onccnews/