2025 波士頓馬拉松 | Sammy So @Kolor 蘇浩才賽前越洋訪問: 輕輕鬆鬆就得㗎喇
圖：ig@sammysokolor
被喻為「跑者殿堂」的波士頓馬拉松，將於美國時間4月21日舉行，一早已達到 BQ 資格的 Kolor 樂隊主音 Sammy ，日前已出發波士頓，準備挑戰他的第三項大滿貫賽事。我們越洋與 Sammy 做了一次訪問，了解 Sammy 賽前的心情。
(男子馬拉松 香港時間星期一晚 9:37 起步 | 女子馬拉松 9:47 起步)
問: 這次比賽有沒有甚麼具體目標?
Sammy: 呢次都係抱住輕鬆嘅心情比賽，諗住做返平時嘅標準，唔諗住點樣搏命。目標時間三個鐘鬆啲，冇諗住 break 3。知道自己暫時未可以 Sub-3住，希望順利完成! (按: 去年倫敦馬 Sammy 成績為 3:15:29)
問: 而家你已經喺波士頓，感覺如何?
Sammy: 感覺相當好! 因為嚟到夜晚，感覺好靜，同埋有啲凍。呢度同香港係一個好大嘅對比，好有 mood 嘅。天氣幾凍，但好快就入到狀態。
賽前完成5K shakeout run | 相片提供: Sammy So
問: 有無咩特別準戰訓練?
Sammy: 其實冇話特登訓練，亦無專登為咗呢場比賽，進行特殊訓練。我平時都 keep 住練，interval 同長課都有做足。今次比平時再足啲，希望狀態唔會差，最起碼唔好抽筋先!
問: 想幾時完成大滿貫?
Sammy: 今次係我嘅第三隻大滿貫馬拉松，今年9月會跑埋柏林，就會係第四隻，希望喺下年或者兩年內可以完成大滿貫。由 2019 年開始跑，係時候完成!
相片提供: Sammy So
問: 跑咗咁耐，有無咩比賽心得?
Sammy: 其實有時練得太多，會有迷茫嘅時間。比賽前狀態通常都會反覆，可能會好緊張，心理同生理都要調整。我覺得馬拉松訓練，生理問題比較多，大家可以放鬆啲去面對比賽。我自己嘅經驗話畀我知：做足平時嘅訓練就得啦! 有目標當然好，但做唔到都唔需要太失望。最緊要嘅係訓練足夠，唔好太緊張。
在 Instagram 查看這則貼文
希望 Sammy 比賽順利，安全返到終點!
小編私心推介:《二十還好》
The post 2025 波士頓馬拉松 | Sammy So @Kolor 蘇浩才賽前越洋訪問: 輕輕鬆鬆就得㗎喇 appeared first on Fitz 運動平台.