陳樂頤憶述亡妹顯靈　張天穎出走治情傷

早前為關智斌啟德體藝館演唱會擔任和音的女圑Beanies成員陳樂頤（Georgina、阿左）最近推出新歌《今夜無人入睡》。日前她接受訪問時，指作品不僅是自身走出低潮的真實寫照，更承載着對聽眾的深切關懷，期盼能成為大家面對負面情緒時的「良藥」。

她說：「希望首歌可陪伴大家度過失眠、唔開心或胡思亂想時。」談及同母異父的妹妹墮樓身亡，令她跌入人生谷底，她表示：「我都繼續有喊，不過我上次聽咗一個講座，話點解人要選擇結束生命，但其實佢哋只係想結束痛苦，所以我覺得妹妹依家係好開心嘅，妹妹終於可以自由飛翔。」

她分享曾在夢中和妹妹見面之事，指在夢中感覺妹妹緊緊擁抱着她：「嗰時我知佢係走（離世）咗，佢攬住我，我就流眼淚，仲喊到醒咗，夢到佢嘅次數，唔算多，唔算少，可能兩至三個星期一次。」她又說身邊有陰陽眼的朋友曾「見」過妹妹，她謂：「朋友話妹妹同我哋一齊搭的士，又有次朋友話妹妹嚟睇我做騷，話佢塊臉好白，冇乜表情，妹妹仲試過掂一掂我朋友，嚇到到佢好驚，不過我覺得安慰，因為妹妹仲陪住我。」

不過阿左又話妹妹的離開，令她依然很痛，還記得最初夢見妹妹時會喊到醒，但當時不識處理情緒，所以會立即抺乾眼淚，再扮沒有喊過繼續工作，原因是盡快忘記夢境，不過這抑壓情緒的方法，加上她不想麻煩別人而沒有跟人傾訴，結果令情緒變得更差，經常失控爆喊，甚至自己也想過輕生，直至獲心理治療師解心結，才可以慢慢走出人生谷底，她謂：「治療師話自殺者家庭，都有機會會有呢個想自殺嘅想法，佢就畀咗啲方法我，制止咗我再有呢啲想法， 叫我答應佢下次見面時前，唔好再諗呢啲嘢，依家我冇呢個想法，（你怕唔怕死？）我怕。」

另外，阿左的隊友張天穎（Jaime）剛和歌手男友ANSONBEAN結束1年情後，終於有假離港旅行療情傷，穿上泳裝的她在泳池邊拍唱歌片，又四出親親大自然，不時露出笑容，似乎已走出失戀陰霾。

東網網站 : https://on.cc/東網Facebook專頁 : https://www.facebook.com/onccnews/