鄧麗欣新一年定下目標　任晴佳隨父母泰國度歲

Cool Style旗下的鄧麗欣（Stephy）去年可謂大豐收年，舉行了其首個個人紅館騷及澳門演唱會，又勇奪叱咜「我最喜愛的女歌手」獎，為去年劃上完美的句號。Stephy事業愛情皆得意，新的一年，已定下目標：「過去一年係豐收同開心嘅一年，好滿足，亦都好鍾意嗰種好充實嘅感覺，嚐試到好多新嘅嘢，更加有好多估唔到嘅成果，新嘅一年希望有更多進步。其實我成日會畀自己一個目標，唔會係好長遠嘅，就好似我之前嘅演唱會主題step by step，繼續去嚐試新嘅事物，繼續畀一啲驚喜大家，都係新一年嘅願望嚟。」透露農曆新年會跟往年一樣，跟家人朋友在家中吃盤菜，遊戲耍樂，趁假期好好休息後，便開展新一年的工作大計。

同公司的許恩怡（Natalie）演技亦有目共睹，去年有份主演的電影陸續上映，她更憑《無名指》入圍「第44屆香港電影金像獎」的「最佳女主角」，新一年Natalie希望繼續為港電影圈努力：「好榮幸得到金像獎女主角入圍資格，好多謝觀眾同業界嘅前輩、朋友對我嘅支持同埋喜歡我演嘅角色，其他入圍嘅都係好好嘅演員，每一位都係我好尊敬嘅演員，競爭好激烈。今年一眨眼就過去，可能係因為電影帶咗我到好多唔同嘅地方，包括意大利、台北、紐約、首爾、釜山、東京……作為演員，跟觀眾見面同交流實在太重要，每一個相處都好珍貴，我好感恩咁多人能夠睇到同支持香港電影。」她說去年常常睇書看電影，思考自己想成為一個點樣的演員，對明年充滿期待，準備好迎接不同新挑戰。

任達華和琦琦女兒任晴佳（Ella）在英國讀大學，透露將隨父母到泰國度歲，同時Ella也不忘為考試衝刺，她將隨身帶備書本溫習，體現學霸本色，Ella笑說：「新年期間正在英國上學，幸好中間有一星期的假期，已約了爸爸媽媽一同到泰國的海邊曬太陽和游泳，跟爸爸一起在海邊跑步、做瑜伽、學打golf，我還跟爸爸媽媽有個約定，我們每天晚上都會看一部電影，把之前忙碌時沒看的電影補上，很期待能夠度過一個溫馨又熱辣辣的新年。」同時為準備考試，準備好在當地一邊看海景，一邊聽着海浪聲溫習，笑言會更加專注，「其實新年能夠跟家人一起度過，真是感到十分幸福！」

劉沛蘅（Hillary）自嘲沒有太重事業心，但今年有了明確的目標方向：「我最想做嘅就係學煮嘢食，因為年紀都唔細，為將來嘅屋企我要準備做一個賢妻良母，所以我今年首先係需要好多桃花，始終做呢行都好需要人緣。」還有藝人還有何嘉莉（Lillian），她透露春節會與家人渡過，希望新一年工作上有突破性的發展。

另外，同公司的譚旻萱（Mandy）、林熙彤（Hazel）、趙君瑜（Angelina）同參演賀歲片《夜王》Mandy說：「上年拍咗幾部電影，好似消失咗一輪咁，但係我好開心嘅，我會形容去年係屬於種種子嘅一年，嚟緊《夜王》上映，希望新一年係收割年，有更多的影視作品。另外2025年組咗一隊籃球隊，新一年球技會更加精湛zxad 」

去年大學畢業的Hazel就表示：「上年大學畢業，同埋完成個人第一個半馬，新一年目標係無論喺設計或演藝方面，都能夠同大家分享多啲我嘅作品，我都有諗過可以將我學到嘅藝術放喺工作上，有時拍戲時見到攝影組，都有衝動想攞佢哋嘅相機幫大家影相，如果有人想搵我影劇照我都歡迎㗎！」

莎莎SaSa與Angelina是新加入公司的新成員，Angelina表示公司好多前輩好照顧她，會向大家多多學習，「尤其是Stephy係我偶像，我有睇佢嘅劇集同音樂作品，佢真係閃閃發光。」

東網網站 : https://on.cc/東網Facebook專頁 : https://www.facebook.com/onccnews/