ChargeSpot香港首個流動充電器　行街唔怕手機無電

人世間最痛苦嘅事，就係跟女神用手機傾緊綿綿情話，點知手機突然無電，同女神頓失聯繫……呢個時候，你最卑微嘅願望，就係身邊有個天使，可以賜你一個尿袋！唔使驚，依家全港各處都有個天使隨時幫你，ChargeSpot於去年9月，推出全港首個「自助流動充電器環球共享服務」，從此尿袋都可以共享啦！

共享商戶逾千間

目前ChargeSpot在港已經450個充電熱點，包括沙田新城市廣場、領展旗下商場、一田百貨及超市等，已經簽約並將會陸續安裝充電裝置嘅商戶，更超過一千間，覆蓋全港各區，咁就隨時隨地都可以搵到尿袋應急啦！

邊行街邊充電

此外，ChargeSpot首創「異地歸還」充電服務，用戶租用充電器後可以「邊行邊充」，只需要喺48小時內將充電器交還於同一地點或應用程式內顯示可接收充電器的充電站即可，換言之，大家可以一邊食嘢行商場，一邊為手機充電，行完食完就歸還充電器，節省唔少時間，亦唔使為充電而更改行程。

手續簡單

租用ChargeSpot手續簡單，用戶只需要下載應用程式，或者啟動微信小程序（WeChat Mini Program），搵到充電站嘅位置，再利用手機繳付按金並掃描充電站上的二維碼（QR Code），就可以借走個尿袋啦，借用費一小時只需港幣5元，48小時只需港幣10元，並接受信用卡、支付寶、微信支付、Apple Pay及Google Pay 付款，咁以後大家就唔怕同女神失聯啦。

網址：http://charge-spot.net/

部分已安裝ChargeSpot 充電站的合作夥伴：

‧商場：領展旗下商場、新城市廣場、愉景新城

‧大型超市及百貨公司：一田百貨及超市、先施百貨

‧交通運輸：新渡輪

‧零售及服務：實惠、陽光洗衣便利店、陽光網絡、柯達沖印店

‧飲食娛樂：貢茶、沙嗲王、半熟工房、黃珍珍泰國菜館、饗和民、唐宮小聚、Red Mr. 紅人派對

‧其他：香港貿易發展局