周嘉洛帶汪明荃遊阿德萊德　變身人肉吹風機好服侍

無綫小生周嘉洛與汪明荃早前出發前往澳洲阿德萊德拍攝全新綜藝節目《帶阿姐看世界》，二人抵達當日，正是阿姐入行58周年正日，甚具意義。今次由在澳洲讀書的嘉洛負責計劃行程，事前還答應充當阿姐的專屬攝影師，為阿姐在每個景點留倩影，相當有心。

之前無綫官方社交網先後發布2人於當地的相片，他們到當地知名景點德國邨遊覽，又到市場買芝士，嘉洛又帶同阿姐爬到橢圓球場的最高點打卡，期間他亦相當照顧阿姐，除了用手幫阿姐擋着太陽，避免她曬親外，嘉洛更化身人肉吹風機，為阿姐降溫，搞到阿姐冧滋滋，呢個後生仔實在唔話得。

嘉洛接受東網訪問時開心謂：「同阿姐去成個旅程好寫意，整體嚟講係樂在其中，非常享受。成個旅程我同阿姐連埋團隊大家都互相照顧，樂也融融！今次因為阿姐我先有機會可以返番自己讀書嘅地方，雖然啲記憶已經10年前，依家阿德萊德嘅城市感都重咗，拍攝全程大家都好開心。」

東網網站 : https://on.cc/東網Facebook專頁 : https://www.facebook.com/onccnews/