拜仁隊長紐亞將會在今周德甲復出

根據德國圖片報消息，拜仁隊長紐亞係今個星期一進行咗高強度個人訓練，今次係紐亞自從小腿受傷之後，第一次完全應付到成個訓練。經過幾個星期康復訓練同恢復性訓練，紐亞康復進度比起預期中更快，有可能今個星期對住緬恩斯德甲比賽復出😶

消息指紐亞係上星期五接受一個特別飛盤訓練，紐亞需要係45分鐘訓練入面接住拋出嚟嘅飛盤，拜仁龍門教練係唔夠三米距離向紐亞投擲呢啲飛盤，而紐亞需要憑住快速反應接住飛盤。順帶一提，拜仁中堅烏柏美簡奴都係星期一重返球隊訓練中心接受訓練🙂

根據德國天空體育消息，紐亞下季仍然都係拜仁正選龍門，而烏比治將會繼續成為後備龍門。不過，就算紐亞狀態幾好，烏比治都會有一定上陣機會，而具體上陣時間將會由呢兩位龍門同教練團隊係球季進行期間共同決定🤓