奇洛李維斯畫家女友罕有放閃　浪漫溜冰咀嘴

《殺神John Wick》（John Wick）61歲荷里活男星奇洛李維斯（Keanu Reeves）的52歲美國畫家女友Alexandra Grant於社交網站，分享他們於美國紐約洛克菲勒中心聖誕樹前溜冰與咀嘴的甜蜜照片與影片，留言表示：「上禮拜一，奇洛演完舞台劇《等待果陀》後邀請我喺紐約拍拖……我哋想多謝所有喺洛克菲勒中心招待我哋嘅人！你哋令我哋感到賓至如歸，又為我哋打氣，同送上熱可可同冷帽。」

她繼而表示：「亦都多謝令到呢個特別夜晚成真嘅幕後功臣，你哋知道我講緊你哋！多謝聖誕精靈Nanea同Jeff送奇洛新溜冰鞋。幾十年冇溜過冰，由冰球溜冰鞋轉到花式溜冰鞋，個刀片真係唔係講笑！」她之後為新一代溜冰運動員與奧運參賽者打氣，最後表示：「永遠要同人連結！去感受歡樂，即使攰都要出去，去試新嘢，去用自己方式做事，同埋去保持開放接受驚喜！」

東網網站 : https://on.cc/東網Facebook專頁 : https://www.facebook.com/onccnews/