陳詩欣大露背追星睇BLACK PINK騷　獲封最索辣媽

藝人陳詩欣去年7月誕下兒子，近日難得撇甩老公及囝囝，與閨蜜來個追星之旅。她此行其實是與閨蜜鄧穎堯去東京工作，但特意安排提早一天到埗，相約另一好友陳約臨入場睇韓團BLACK PINK的東京站巡唱，即使要分開坐亦一樣興奮，她自言：「今次真係阿媽追星也瘋狂！」

陳詩欣在社交網上載多張打卡照，見她穿上大露背貼身小背心追星，升呢媽咪後仍不減火辣，不少網民都留言激讚她比產前更靚，封她為最索辣媽！有眼利網民發現她右臂似有瘀青，留言問：「畀老公打？」陳詩欣的老公Joshua急急跳出來澄清，消除家暴疑雲：「喂！澄清啊！胎記嚟，費事一陣上新聞。」並附上爆喊的表情符號，令人笑爆嘴。而陳詩欣興奮過後，翌日被鄧穎堯踢爆身體抱恙，原來是穿大露背裝累事，她在限時動態自認「犯賤」：「原來除咗件外套喺室內影兩張相都唔掂！真係病病哋，唔係講笑！真係攞嚟賤！」不過未有影響好心情，與閨蜜繼續吃喝玩樂。

東網網站 : https://on.cc/東網Facebook專頁 : https://www.facebook.com/onccnews/