Lolly Talk成員各自發展　強調不拆夥盼出團歌

女子組合Lolly Talk 8位成員今日（22日）為跑步活動擔任表演嘉賓，8位成員包括包括曾美欣（MeiMei）、吳倩怡（Sinnie）、劉綺婷（Yanny）、黃詠霖（阿蛋）、鄭芷淇（Elka）、陳紀澄（Tania）、黃敏蕎（阿妹）和郭曉妍（Ah Yo）齊齊受訪，問到是否最後一次8人一起受訪？她們直言不是，笑稱歡迎各大廣告客戶繼續找她們：「因為好耐冇見『波板糖』（粉絲暱稱），知道佢哋跑專程嚟替佢哋加油！」她們表示經理人合約已完結，各人也有不同計劃想做，Sinnie説：「除咗Lolly Talk會一齊做嘢之餘，大家都有唔同諗法，大家見到阿Yo近排有唔同表演，同Lolly Talk嘅表演好唔同，我哋8個女仔都想互相支持做大家想做嘅事，嚟緊阿妹都有好多驚喜現身！」阿妹透露4月會演出音樂劇，詳情稍後會作公布。

Lolly Talk表示除了個人發展，依然會繼續團體演出，強調不會拆夥，問到有否個別成員已簽新公司？她們坦言仍未有消息可公布，並希望維持8人在一起，指成團3年主要在音樂上發展，新一年希望能有機會挑戰演戲和拍劇等，向大家展現成員的另一個面向。問到是否意味會各自接工作？她們指過往也不時有個別工作，其他成員也互相支持，問到是否以8人一起為簽約條件之一？阿妹説：「睇緣分，合約呢啲都係需要大家諗法好相同。（有公司接洽？）當然都有傾過，我哋自己圍內都有討論過，去到呢一刻大家暫時期待住先！（最大困難係要8個一齊簽？）仲有其他考量，因為大家都有自己諗法想做，要8個人夾到都仲需要啲時間。」她們直言Lolly Talk永遠也是這8位成員，期望能早日有新作品推出。

另談到兩位成員Tania與阿妹早前聯同《造星IV》60強止步的坂部佩莎等人合體拍片，引來網民熱烈推舉她們成為「期間限定」的新女團，她們感謝大家喜愛，笑指大家也是高妹，加上一起由同一選秀節目成長出身，故一起拍片向韓團致敬。

同場的吳海昕表示每年都會參與跑步活動，笑言每年也會被追問感情事和近況，表示現只專注事業，透露剛在美國成功考取普拉堤教練牌照，她説：「搵個人照顧自己，不如自己照顧自己，依家搞吓生意。」她笑言已多出街望結識新朋友，但仍未有追求者，因此現在金錢至上專心事業，新年時親朋戚友也沒有追問她感情狀況：「過咗某個年紀，35歲後都冇問喇，我哋呢啲心境年輕，哈哈！上年犯太歲，冇事，今年好多桃花，風水師話人緣好好，姻緣未有咁快，哈哈！」

吳海昕笑指新一年希望少是非，比起脱單更希望先搵錢，透露正籌備開店教普拉提，笑稱自己性格吹毛求疵，因此不會找拍檔合資全自資開店，她説：「我驚嗌交呀，最多自己慳啲使，輕輕裝修下啦。（投資幾多？）希望6位數內，一個人唔好諗咁多住，等上咗軌道先再投資多啲。」她表示已鎖定於港島區開店，更已擇好良辰吉日開張，但笑指仍未選好地點：「我個人一定要有個目標日子先可以Chur到落去，哈哈！」

東網網站 : https://on.cc/東網Facebook專頁 : https://www.facebook.com/onccnews/