蔡潔出書做才女報喜　斬獲國際賽獎項

無綫藝人蔡潔今日（17日）和漫畫家曹志豪出席漫畫《失敗的我被放上了置物架》公仔主角聯乘展，丁子朗以嘉賓身份現身撐場介紹自己的聯乘作品。

蔡潔的漫畫於去年書展推出，至今半年她報喜謂作品在內地及國際賽上均獲獎，其中在國際獎項上更和700多個來自世界各地的作品競逐，結果名列第5名摘下銅獎，令她和團體大感驚喜：「因為呢個漫畫係第二個project，事前係冇任何期待，推出第一本漫畫可能定價太高，所以個銷量麻麻，自己和拍檔自各攞咗幾10萬出嚟，今次第二部分，可以賺番少少補貼吓，同埋有政府資助就唔使再倒貼錢。」

至於今次展覽會，她邀請了10多位藝術物及演藝朋友包括胡定欣、洪永城、林愷鈴及丁子朗（丁丁）合作推出聯乘公仔，收益將作慈善用途，她感激丁丁的鼎力支持說：「佢哋好幫手，冇人托手㬹，第一個我就諗起丁丁，我哋又熟，我諗佢唔會推我。」

丁丁表示製作聯乘公仔共花了兩個星期時間，且有壓力：「因為呢個漫畫主角已經攞過獎，所以要錦上添花就好難，構思咗好耐，小弟開過畫展，畫過油畫都算有經驗。」問他何時再舉行畫展，他又說：「今年有機會，去年開畫展都有盈利。（搵到食？）做藝術唔係講錢。」

可會以藝術家為正職？蔡潔就覺得藝術不可以有壓力，如將藝術作為維生工具，會影響作品質素，她說：「藝術創作，包括演戲都不可單一發展，否則冇養分。嚟緊我入咗《枱底》劇組，仲會參與內地影視平台製作嘅短劇。」而丁丁正傾新劇，但內地3齣劇集快推出，有不少演出機會。

東網網站 : https://on.cc/東網Facebook專頁 : https://www.facebook.com/onccnews/