郭富城吊威吔弄傷肋骨　睇好方中信奪男配

影帝郭富城（城城）、方中信、周勵淇、湯怡及陳國邦今日現身大圍出席英皇電影《內幕》謝票場，電影上映後獲得一連7日華語片票房冠軍。談及電影中的打鬥戲份，城城透露一連拍攝了7日，而第1日開工已需要吊威吔，要求高的他們最終拍攝了十多Take，城城更大爆自己受傷：「因為360度轉個度，護住腰個個pat郁咗，結果比威也chok到，就傷咗個肋骨，之後拍攝都要食止痛藥（受傷個啲太太見到係咪好心痛？）我哋係唔使講出嚟，唔會刻意做呢樣嘢，唔需要俾屋企人擔心，做演員就係咁辛苦，但都習慣咗（同太太睇咗呢套戲未？）聽日睇」，又解釋自己沒有刻意為電影增磅，笑言可能與吳鎮宇相隔25年再合作，他才覺得自己比起以往更大隻。

而方中信被問到會否與太太或女兒觀看時，則表示太太正忙於處理北京的生意，又怕女兒不理解太成熟的劇情。提到導演指看好他有機會獲得最佳男配角獎項，他就指：「演戲都係盡咗自己嘅力，即係做好自己本分，大家又覺得OK已經好開心」，在旁的城城聞言即：「我又睇好你！」，亦指希望他有機會獲得。問到聖誕如何度過？城城就表示除夕要到重慶開騷，而開場前需要排練，並為明年的新方向作準備，直言：「聖誕節有一日假放（今年三個小朋友咪好熱鬧？）依家係呀，女神之家啊嘛，我繼續會扮聖誕老人。」

提到電影的好成績，周勵淇表示很開心，希望大家繼續支持，陳國邦直言成績表已經交出，現在是等待觀眾評分，目前分數很高，希望可以得到滿分，而湯怡則表示希望觀眾可以把電影推介給更多好友。問到他們的謝票福利，陳國邦笑言觀眾在觀看完電影後可以帶來一些訊息，又指會否繼續謝票要視乎票房的上升。

問到眾人的聖誕安排，陳國邦指太太與女兒會來港一同度過節日，周勵淇亦表示與家人簡簡單單度過，而湯怡同樣指會與家人度過，又透露餅店生意亦不錯，笑言女女是E人，間中會在店舖向客人打招呼，相當可愛。此外，提到方力申日前宣布迎來愛女，好友周勵淇表示有恭喜對方，又指覺得B女長得像小方：「成個方力申女版咁，好得意，不過BB個樣會變（會唔會去探BB？）方便先啦，因為我都明白嘅，第一胎好緊張，又驚有菌又驚呢樣個樣，但係禮物有買嘅，之前有過Sd訊息介紹買咩，我諗佢有好多人好多資料。」

東網網站 : https://on.cc/東網Facebook專頁 : https://www.facebook.com/onccnews/