東方日報C1：陳山聰助港片回暖　黃宗澤出錢不出Sing

藝人黃宗澤（Bosco）、陳山聰及陳瀅喜迎元旦，新年新展望，Bosco與山聰有意投資港產片，為電影業出一分力。講到重返樂壇，Bosco卻大叫怕怕，揚言永不回頭，寧做「金主」搞音樂會，也不肯開金口獻唱；至於陳瀅期待新一年做「八婆」突破自己。

「邵氏7星」黃宗澤（Bosco）、陳山聰、陳瀅、關嘉敏、蘇麗珊、胡鴻鈞及吳業坤聚首一堂，齊迎2026年來臨。作為年度成績總結的《萬千星輝頒獎典禮2025》尚有3天便隆重舉行，Bosco與山聰分別憑劇集《新聞女王2》及《奪命提示》入圍「最佳男主角」10強，當中Bosco更被視為大熱，最近他四出拉票，似乎對獎項志在必得，他表示：「因為套劇播完嘅時間好近頒獎禮，反應好、熱度又高，同事叫我做啲嘢，多謝大家幫我拉票，其實每個人攞我都開心，因為大家都為角色付出好多。」視帝山聰今次打定輸數，揚言要退位讓賢給Bosco：「唔係佢攞係邊個？我呢啲係戥腳，我全票畀晒佢，佢套劇個勢好勁，佢個角色又特別突出。」至於陳瀅稱會投票給Bosco及山聰，問到為何不支持「好友」周嘉洛？她笑言：「我都入唔到10強，我唔會投畀佢。」實行強迫對方共同進退。

陳瀅做「八婆」有信心

回顧去年，Bosco對自己工作上的成績感滿意，參與的兩套劇集《執法者們》及《新聞女王2》高踞去年劇集收視前兩位，成「收視福將」。至於山聰在拍劇以外亦有新發展，舉辦了3場音樂會及拍了兩套電影，其中一套更是有份投資的馬來西亞賀歲片。而陳瀅就形容去年為自我恢復的一年：「去年工作唔係太忙，用咗一年時間發現自己真係好鍾意演戲同埋培養出做運動嘅習慣，加上多咗時間同自己相處，更了解自己，內心亦成長咗。」

談到對新一年展望，山聰希望投資的賀歲片大收旺場，而Bosco近期也有投資馬來西亞電影，同樣期待有好票房，又自爆正在洽談幾部劇集：「嚟緊會陸續開拍。（係咪《新聞女王3》？）未聽到，就算未必係《新聞3》，原班人拍其他劇都開心。」陳瀅聞言即許願在新一年可以遇到「八婆」角色：「我都好想挑戰吓，覺得會好成功，因為我啲朋友話我個嘴臉都有啲衰，應該可以演到。」

親自下廚博稱帝

提到Bosco與山聰可有興趣投資港產片？Bosco即謂：「想，大家經常都話近年係香港電影業寒冬，好多人冇工開，我喺香港土生土長，希望為大家帶來更多工作機會，我冇古天樂咁勁，只係學習階段，能夠出一分力就一分力，但我冇可能一個人投資晒。」山聰提議由邵氏牽頭，他與Bosco夾份投資。

除了投資電影，問到他們可有機會在音樂上合作？Bosco立時耍手擰頭：「我退出咗樂壇好耐，唔好搞我。」山聰透露高層樂易玲曾有意搞邵氏音樂會，可惜未能說服Bosco開金口：「就係佢唔肯唱，否則搞咗好耐，冇佢坐鎮搞唔掂。」Bosco立時求饒：「唔好搞我，我專心拍戲。（唔會重返樂壇？）返唔到轉頭。」山聰嘗試「動之以錢」：「有你唱嘅話，投資者舊錢都大啲。」Bosco即拋出銀彈攻勢：「我投資，我畀錢，我負責策劃。卡拉OK飲多兩杯唱幾句就話啫，但表演就唔好喇。（陳豪話攞視帝，大家可以點歌畀佢唱。）玩到咁大？我攞視帝，大家點菜，我即煮啦！」

更多新聞，請瀏覽東方日報網頁：

https://orientaldaily.on.cc

東網網站 : https://on.cc/東網Facebook專頁 : https://www.facebook.com/onccnews/