李爾晨強勁胸肌嚇窒女神樂宜　曲線玲瓏唔夠佢嚟

「DJ女神」樂宜早前宣布投資代理韓國運動潮牌，日前拍攝新宣傳照，除了拍擋之一藝人好友李賢(Leanne)外，還請來型男李爾晨（Kyle）一同擔任形象大使，近日積極做健身的樂宜，身材曲線玲瓏，但竟然被Kyle搶鏡，事緣拍攝前大家都預先鍛煉希望最佳狀態示人，一向有操肌的Kyle，拍攝期間直接除衫，晒出強勁胸肌嚇窒女神。

Kyle直言兩星期前便加緊操練，拍攝前三日進行半禁食，每日一餐但食好少，雖然拍攝當日狀態不錯，但他對身形仍未完全滿意，Kyle表示：「好想手臂粗啲，整個人再大隻啲，因為本身瘦底，體重77KG保持咗十幾年不變，我平日食好多嘢，食極唔肥，唔知係咪有問題？我想肥啲。」

東網網站 : https://on.cc/東網Facebook專頁 : https://www.facebook.com/onccnews/